⚡️Национал школа хөгжүдер институтка, Тываның өөредилге яамызының ниити билиглер килдизиниң специализи Урана Допулдуң удуртулгазы-биле, школа назыны четпээн уруглар албан черлеринге «Төрээн Тывам» деп өөредилге-методиктиг комплексти чаа федералдыг өөредилге программазынга дүүштүр чаартыр чогаадыкчы бөлүк-биле хурал болуп эрткен.

Чаа үнген чылда эгелеп алган ажылды чедимчелиг дооскаш, республиканың уруглар садтарынга ук өөредилге-методиктиг комплексти чорудуп эгелээр кылдыр сорулга салдынган.

💬 Бодум 1-ги бичии бөлүктүң чижек программазы-биле ажылдап турар мен. Республикада уруглар садтарында тыва дыл кичээлдерин эрттирип турар кижизидикчи башкыларга болгаш тыва дыл башкыларынга ажылдаарынга чиик болур кылдыр кичээлге ажыглапкы дег материалдарны гипершөлүлге дузазы-биле программада киирип турар бис. Ынчаар ажылдаарга, эвээш эвес үе үнер, — деп Кызылдың 30 дугаарлыг уруглар садының тыва дыл башкызы, чогаадыкчы бөлүктүң кежигүнү Альбина Монгуш дамчыткан.

☝🏻Чогаадыкчы бөлүктүң кежигүннери — башкылар уругларны назы-харының аайы-биле үлежип алгаш, Федералдыг өөредилге программазынга дүүштүр өөредилге-методиктиг комплексти чаартыр ажылдарны кылып эгелей берген.